వాన - ఎదుట నిలిచింది

ఎదుట నిలిచింది చూడు జలతారు వెన్నెలేమో

ఎదను తడిపింది నేడు చినుకంటి చిన్నదేమో

మైమరచి పొయా మాయలో

ప్రాణమంతా మీటుతుందే వాన వీణలా... ॥ ఎదుట నిలిచింది.. ॥

చరణం ౧:

నిజంలాంటి ఈ స్వప్నం ఎలా పట్టి ఆపాలి

కలే ఐతే ఆ నిజం ఎలా తట్టుకోవాలి

అవునో కాదో అడగకంది నా మౌనం

చెలివో శిలవో తెలియకుంది నీ రూపం

చెలిమి బంధమల్లుకుందే జన్మ ఖైదులా... ॥ ఎదుట నిలిచింది చూడు ॥

చరణం ౨:

నిన్నె చేరుకోలేకా ఎటెళ్ళిందొ నా లేఖ

వినేవారు లేక విసుక్కుంది నా కేక

నీదో కాదో రాసున్న చిరునామ

ఉందో లేదో ఆ చోట నా ప్రేమ

వరం లాంటి శాపమేదో సొంతమైందిలా... ॥ ఎదుట నిలిచింది చూడు ॥

చిత్రం: వాన

సంగీతం: మనో మూర్తి (పల్లవి మాత్రం(కన్నడ)), కమలాకర్ (మిగితా పాట)

సాహిత్యం: సిరివెన్నెల సీతారామ శాస్త్రి

గానం: కార్తిక్